AVTO

Sürücülərin nəzərinə: avtomobillər bahalaşacaq – VİDEO
15 DEKABR 2017
2416

Sürücülərin nəzərinə: avtomobillər bahalaşacaq – VİDEO

2017-12-15 14:33:00

Azərbaycana gətiriləcək minik avtomobillərinə tətbiq edilən idxal gömrük rüsumu gələn il yanvarın 1-dən artırılacaq. Amma bu bütün avtomobillərə şamil edilmir.

Fins.az xəbər verir ki, məsələ ilə bağlı ARB TV-nin “Günə doğru” proqramında maraqlı sujet yayımlanıb.

İqtisadçı Vüqar Bayramlının sözlərinə görə, bu kiçik mühərrikli avtomobillərə deyil, böyük mühərrikli avtomobillərə aid olacaq:

“Amma bu bazardır. Qiymətlər bir-birinə bağlıdır. Böyük mühərrikli avtomobillərdəki bahalaşma, kiçik mühərrikli avtomobilləri də öz gününə sala bilər.

Xərc artırsa, qiymət də ona uyğun artır. Xərci böyük olmayanlar var. Məsələn böyük mühərrikli avtomobil bir neçə ildir ki, alınıb, artan gömrük rüsumu həmin avtomobilə aid deyil. Amma, bu zaman da vəziyyət dəyişəcək.

Vəziyyət budur, bir istiqamətdə bahalaşma digər tərəfdə də özünü göstərəcək. Çalışaq ki, belə olmasın. Çünki Avropa ölkələrində də böyük mühərriki olan avtomobilləri varlı təbəqə alır deyə onlara rüsumlar çoxdur. Amma bu kasıb təbəqənin istifadə etdiyi kiçik həcmli mühərrikli avtomobillərin qiymətlərinə təsir etmir”.

© Materiallardan istifadə edərkən hiperlinklə istinad olunmalıdır
+8°C
  • $ USD
    1.7001
  • € EUR
    2.1335
  • ₽ RUB
    0.0302