AVTO

Yeni model “Lexus LX” Bakıda satışa çıxarılır – EKSKLÜZİV
29 NOYABR 2017
2742

Yeni model “Lexus LX” Bakıda satışa çıxarılır – EKSKLÜZİV

2017-11-29 15:44:00

Azərbaycanda 3 yeni “Lexus” modeli təqdim ediləcək. Söhbət “Lexus LC 500”, “LX Sport” və “Lexus NX” avtomobillərindən gedir. Bu barədə Fins.az-a Lexus Bakı Mərkəzindən bildirilib. Məlumata görə yeni modellər dekabr ayının 8-dən etibarən satışa çıxarılacaq.

Lexus LC 500”

Kupe konseptini artıq Avropada təqdim edilən Lexus LC 500 modeli 10 pilləli ötürücü və 5.0 L mühərriklə təhciz edilib. “Lexus LC 500” saatda 100 km sürəti cəmi 4.7 saniyəyə yığa bilir.

Məlumata görə, maşının sürəti və idarəetmə parametrləri ilə yanaşı interyeri də komfortludur.İnteryer dəyişikliyində ilk nəzərə çarpan sükan və idarəetmə panelidir.

LX Sport”

Bakıda təqdim ediləcək digər avtomobil “LX Sport” modelidir. Yeni Lexus ənənəvi platforma üzərində restayliq olunmuş benzin mühərriklidir. Dəyişkliklər eksteryerlə yanaşı interyeri də əhatə edir. Salonun havalandırması-sərinlik və istilik Lexus Climate konsyerj sistemində çalışır.Tədbiq olunan Offroad Turn Assist sistemi dönmə bucağını artırır, bu bir növ maşının yerində manevr etməsi ilə mümkün olur. Yolsuzluq şəraitində,məsələn uçurumlu yollarda bu sistem əvəzedilməzdir. Crawl Control və Multi Terrain Select sayəsində yeni Lexus LX Sport keçilməz yolları belə rahatlıqla hərəkət edə bilir. “LX Sport”da ətrafı 360 dərəcə nəzarətdə saxlamağa imkan verən və hətta maşının altını da göstərən kameralar quraşdırılıb. Ön hissədə “X” formalı radiator örtüyü, ”L” formalı üçqat diod faralar və dinamik dizayn yeni “Lexus LX”in zəhmli görkəmini formalaşdırır. Texniki göstəricilərə gəlincə, 8 pilləli sürət qutulu avtomobil 367 at gücündə 5.7L mühərriklə təhciz edilib.

Lexus NX”

Bakıda satışa çıxarılacaq sonuncu model şəhər krossoveri “Lexus NX”dır.

Avtomobil istehlakçıların və mütəxəssislərin xüsusi rəylərini nəzərə alaraq restaylinq olunub. Yeni modeldə AVS sport adaptasiya asqısı təkmilləşdirilib. Daha dəqiq idarəetmə üçün əlavə dempferlərlə təhciz olunub. Bu da asqının vəziyyətə görə dəyişməsinə imkan verir. İdarəetmə panelində Electro Multi Vision naviqasiya sistemini quraşdırılıb.

Lexus NX”in qarışıq yanacaq sərfiyyatı 100 km-ə 7,9 Litrdir. 238 at gücünə malik 2.0l turbo mühərrikli krossoverin maksimum sürət isə 200 km/saat təşkil edir.

Yeni Lexus modellərində yol nişanlarını tanıma və sürəti tənzimləmə sistemi mövcuddur. Bundan əlavə maneə haqqında əvvəldən xəbər verən, toqquşmaların qarşısını alan Lexus Safety Systems-i də qeyd etmək lazımdır.

Lexus LX”ın Avropa qiyməti 103 min dollardan başlayır

Avtomobillərin qiymətlərini isə Lexus Bakı Mərkəzi hələlik açıqlamayıb. Fins.az araşdırmasına görə, ən baha model “Lexus LC 500”dür. Avtomobil qiyməti 135 min dollardan başlayır. Azərbaycanda ən məşhur “Lexus LX”ın yeni modelinin Avropa qiyməti 103 min dollar, “NX Sport”un qiyməti isə 40 min dollardır.


© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9459
  • ₽ RUB
    0.0259