AVTO

Azərbaycanda satılan ən ucuz – 10 AVTOMOBİL - SİYAHI
27 APREL
2561

Azərbaycanda satılan ən ucuz – 10 AVTOMOBİL - SİYAHI

2016-04-27 17:57:00

Azərbaycanda  avtomobil alıcıları hazırda ucuz başa gəlsin deyə daha çox 2-ci əl avtomobillərə üstünlük verirlər. Amma hazırda avtomobil bazarında  o qədər də baha olmayan təzə avtomobillər də satılır.Yəni, eyni məbləğə ikinci əl avtomobil almaqdansa, təzə avtomobil almaq daha sərfəlidir. Fins.az hazırda Azərbaycanda satılan ən ucuz təzə avtomobilləri araşdırıb. Siyahıda  Rusiya, Çin, avtomobilləri ilə yanaşı, Yaponiya, Almaniya və Fransa istehsalı olan markalar da var. 

Eləcə də bax: Bakıda 1000 manata hansı avtomobili almaq olar? – SİYAHI

“Niva”lar  - 8500-8700 manat

Hazırda Azərbaycan bazarında satılan ən ucuz təzə avtomobillər sadə komplektasiyalı 2015-ci il model “Niva” avtomobilləridir. Rus avtomobillərinin Azərbaycanda rəsmi idxalçısı “Xazar Lada” şirkətindən fins.az-a verilən məlumata görə, sadə komplektasiyalı “Niva” avtomobilləri 8500-8700 manata satılır. Bu maşının özəllikləri arasında yalnız hidravlik sükanı qeyd etmək olar. Əvəzində isə digərlərinə nisbətən daha güclü -1.7 l həcmli mühərriklə təhciz edilib. Maksimal sürəti 200 km/saat olan avtomobilin yanacaq sərfiyyatı 100 km-ə 11 litr təşkil edir.

Eləcə də bax: Ən yaxşı salona malik avtomobillər -SİYAHI

“Changan Benni”  8 500 - 9 000 manat 

Ötən il Bakıda satılan ən ucuz avtomobil olan “Changan Benni”  bu dəfə siyahıda 2-ci pilləyə düşüb. “Sirena Motors” şirkətindən fins.az-a verilən məlumata görə, hazırda bu model alıcılara 9 min manata təklif edilir. Endirim  kampaniyası çərçivəsində isə 2015-ci il model avtomobili 8500 manata almaq olar. Cəmi 1 litr həcmli 80 at gücündə mühərriklə “Changan Beni” maksimum 7 litr yanacaq sərf edir. Kiçik olmasına baxmayaraq avtomobilə 4 sərnişin yerləşə bilər. Avtomobilə ABS əyləc sistemi, yüngül lehimli disklər, CD-Center, mərkəzi qapanma sistemi və kondisioner əlavə edilib.  

Eləcə də bax: «Əzizim, bu avtomobili seçmə!»- XANIMLARIN MAŞIN KAPRİZLƏRİ

“Lada Granta”- 9 200 manat

Ən ucuz avtomobillərin siyahısını Rusiyanın başqa bir modeli “Granta Liftback” sedanı davam etdirir. Mexaniki sürət qutulu 1.6 l həcmli avtomobilin yanacaq sərfiyyatı 7 litrdir. Bu avtomobil isə 9200 manata satılır.

“Kalina Kros” – 9 300  manat

Başqa bir rus avtomobili   “Kalina Kros” da qiymət baxımından ən sərfəli avtomobillərdən hesab edilir. Rus avtomobillərinin Azərbaycanda rəsmi idxalçısı “Xəzər Lada” şirkətindən fins.az-a verilən məlumata görə, bu avtomobili  Bakıda 9300 manata almaq olar.  87 at gücündə 1.6 l mühərrikli avtomobil şəhər yollarında 8 litr yanacaq işlədir. Amma bu qiymətə yalnız sadə komplektasiyalı modeli almaq olar. 

“Naz lifan  320” - 12 000 manat

Azərbaycan istehsal olan “Naz Lifan” avtomobilləri isə ucuz avtomobillərin sırasında yalnız 5-ci yeri tutur. Bu ən az yanacaq sərfiyyatına görə seçilən “Naz Lifan 320” avtomobilidir. 88 at gücündə 1,3 litr mühərrikli avtomobil cəmi 4-5 litr yanacaq işlədir. Maksimal sürət isə 160 km/saat-dır. Hazırda bu avtomobil  12000 manata satılır.

“Baic A 115”  - 13 500  manat

Bakıda satılan daha bir ucuz Çin avtomobili “Baic A 115” modelidir. “Sirena Motors” şirkətindən verilən məlumata görə, avtomat sürət qutulu 107 at gücündə 1.5 l mühərrikli model 13500 manata satılır. 2015-cü il model heçtbek tipli avtomobil yüngül lehimli disklər, ABS əyləc sistemi, CD-Center, yağış sensoru, mərkəzi qapanma , park radarı, kondisionerlə yanaşı, dəri salona sahibdir.

“Dong Feng S30” - 13 800 manat

 Azərbaycanda satılan ən ucuz təzə avtomobillər sırasında Çin avtomobilləri üstünlük təşkil edir. “Changan” və “Baic” avtomobilləri ilə yanaşı, “Dong Feng”  modelləri də  ucuzdur. Məsələn, “Dong Feng S30” modelini 13 800 manata  satılır. 1.6 l mühərrikli mexaniki sürət qulut avtomobil 120 at gücündədir. Yanacaq sərfidə xeyli aşağıdır. Belə ki, avtomobil şəhər yollarında 4 l, şosedə isə 7 litr yanacaq işlədir. Modelin  təhcizatına 2 təhlükəsizlik yastığı, arxa parklama sensoru, audio sistemi və “qalpak” disklər daxildir. “Dongfeng Azərbaycan”dan verilən məlumata görə, avtomobilin bir özəlliyi də ondan ibarətdir ki, mühərrikin zavod istehsalı olan qoruyucu dəmiri var.

“Nissan Sunny”  - 14 900 manat 

Azərbaycan təzə avtomobil bazarında  yapon avtomobillərindən yalnız “Nissan Sunny” modelini ucuz hesab etmək olar.“Nurgün Motors” şirkətindən fins.az-a verilən məlumata görə, mexaniki sürət qutulu 2015-ci il model avtomobil 14 900 manata satılır. 94 at gücündə 1.5 l mühərrikli  avtomobilin orta yanacaq sərfiyyatı 8 litrdir.

“Seat İbiza”  15 000 manat

Ucuz avtomobil  axtaranlar İspaniyada istehsal edilən alman avtomobillərini də seçə bilərlər. Belə ki, bəzi “Seat” modelləri də ən ucuzlardan hesab edilir. Məsələn, buna mexaniki sürət qutulu “Seat İbiza”nı aid etmək olar. 1.4 l mühərrikli 100 kilometr üçün avtomobil  7.0-7.5 l yanacaq işlədir.Bu qiymət sadə komplektasiyaya aiddir, yəni maşının kondisioneri,  hidrovlik sükan, təhlükəsizlik yastıqları və ABC əyləc sistemi var.     

“Volksvagen Polo”  - 15 300 manat

Təhcizata baxıb  “Seat”ı xoşlamayanlar  300 manat əlavə ödəməklə digər bir alman avtomobilini seçə bilərlər.Söhbət “Volksvagen Polo”  modelindən gedir.  Avtomobil  Bakıda 15300 manata satılır.  1.6 l mühərrikli avtomobilin qarışıq yanacaq sərfiyyatı 7 litrdir. Və “Seat”la müqayisədə bu avtomobilin təhcizatı isə xeyli zəngindir. Avtomobilin ön təhlükəsizlik yastıqlarından tutmuş, ehtiyat təkərə, parklanma radarına, ön oturacaqların qızdırılması sisteminə kimi hər bir təhcizatı var. 

“Reno Logan” – 15 500 manat

Ən ucuz avtomobillər sırasında sonuncu model  fransız “Reno”dur.“Reno”nun “Logan” modeli  hazırda Bakıda 15500 manata satılır. Bundan əlavə “Reno” avtomobilləri arasında ən aşağı qiymətdir.Bu qiymət baza komplektasiyalı  modelə aiddir.  Avtomobilin CD MP3 sistemi, avtopilot və hidravlik sükanı var.  1.6 l mühərrikli 2015-ci il model “Logan”ın yanacaq sərfi isə 5-9 litr  təşkil edir.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275