SƏNAYE

Azərbaycan qazının Bolqarıstana nəqli üçün kəmərin inşasına 3 aya başlanılacaq
11 YANVAR
95

Azərbaycan qazının Bolqarıstana nəqli üçün kəmərin inşasına 3 aya başlanılacaq

2019-01-11 23:07:00

Azərbaycan qazının Bolqarıstana nəqli üçün Yunanıstanla interkonnektorun (Interconnector Greece-Bulgaria-IGB) inşasına 3 aya başlanılacaq.

Fins.az xəbər verir ki, Bolqarıstan KİV-inə əsasən bu barədə bu ölkənin energetika naziri Temenujka Petkova bildirib.

“Ən geci 3 ay ərzində IGB-nin inşasına başlanmalıdır. Layihə 2020-ci ilin ikinci yarısında yekunlaşmalıdır. Bununla da Azərbaycanla 1 mlrd. kubmetr qazın nəqli üçün imzalanan müqavilənin icrasına başlanılacaq. Burada təbii qaz nəqli üzrə mənbələrin şaxələndirilməsindən və Bolqarıstan qaz bazarında rəqabət mühitindən söhbət gedir”, - nazir əlavə edib

Qeyd edək ki, "Şahdəniz-2" yatağından Cənub Qaz Dəhlizi ilə nəql olunacaq təbii qaz Bolqarıstana ixrac olunacaq. Bu ölkə IGB vasitəsilə ildə 1 mlrd. kubmetr Azərbaycan qazı alacaq. Belə ki, Bolqarıstanın dövlət qaz şirkəti “Bulgargaz EAD” “Şahdəniz” yatağının II fazasının işlənməsi çərçivəsində ildə 1 mlrd. kubmetr qazın nəqli ilə bağlı “Şahdəniz” konsorsiumu ilə müqavilə imzalayıb. Azərbaycan təbii qazı Bolqarıstanın qaz istehlakının, təxminən, 25-30%-ni qarşılayacaq. Report

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9398
  • ₽ RUB
    0.0254