SƏNAYE

Gələn il Azərbaycanda ət istehsalı 3% artacaq
29 OKTYABR
103

Gələn il Azərbaycanda ət istehsalı 3% artacaq

2018-10-29 17:21:00

 Gələn il Azərbaycanda kəsimiş çəkidə 335,7 min ton ət istehsalı proqnozlaşdırılır ki, bu da 2018-ci il proqnozu ilə müqayisədə 2,94% çoxdur.

Fins.az-ın məlumatına görə, bu barədə 2019-cu il büdcə zərfində deyilir.

Məlumata görə, 2020-ci ildə 346,6 min ton, 2021-ci ildə 358,8 min ton, 2022-ci ildə 369,3 min ton ət istehsal olunacağı gözlənilir.

Qeyd edək ki, 2018-ci il proqnozuna əsasən, ölkədə 326,1 min ton əti istehsal olacağı ehtimal olunur.

Belə ki, 2019-cu ildə ölkədə 139,6 min ton mal əti istehsalı proqnozlaşdırılır ki, bu da 2018-ci il proqnozu ilə müqayisədə 3,41% çoxdur. 2020-ci ildə 145,6 min ton, 2021-ci ildə 152,5 min ton, 2022-ci ildə 157 min ton mal əti istehsal olunacağı gözlənilir. Bu barədə Report yazıb. 

Xatırladaq ki, 2018-ci il proqnozuna əsasən, ölkədə 135 min ton mal əti istehsal olacağı ehtimal olunur. 

2019-cu ildə ölkədə 80,6 min ton qoyun əti istehsalı proqnozlaşdırılır ki, bu da 2018-ci ilin proqnozu ilə müqayisədə 1,64% çoxdur. 2020-ci ildə 81,9 min ton, 2021-ci ildə 83,2 min ton, 2022-ci ildə 84,6 min ton qoyun əti istehsal olunacağı gözlənilir.

Qeyd edək ki, 2018-ci il proqnozuna əsasən, ölkədə 79,3 min ton qoyun əti istehsal olacağı ehtimal olunur.

Gələn il Azərbaycanda 114,9 min ton quş əti istehsalı proqnozlaşdırılır ki, bu da 2018-ci il proqnozu ilə müqayisədə 3,23% çoxdur. 2020-ci ildə 118,6 min ton, 2021-ci ildə 122,5 min ton, 2022-ci ildə 127,3 min ton quş əti istehsal olunacağı gözlənilir.

Qeyd edək ki, 2018-ci il proqnozuna əsasən, ölkədə 111,3 min ton quş əti istehsal olacağı ehtimal olunur.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9377
  • ₽ RUB
    0.0257