SƏNAYE

Azərbaycanda məişət abonentləri enerji təchizatı şəbəkəsinə qoşulmaq üçün minimum 160 manat ödəyəcək
27 İYUL
118

Azərbaycanda məişət abonentləri enerji təchizatı şəbəkəsinə qoşulmaq üçün minimum 160 manat ödəyəcək

2018-07-27 11:55:00

Məişət abonentlərinin tələb olunan gücü 20 kVt-a qədər (20 kVt da daxil olmaqla, mövcud 0,4 kV-luq şəbəkədən, 1 fazlı) olan mövcud və ya inşa ediləcək tikinti obyektlərinin enerji təchizatı şəbəkəsinə 24 gün müddətində qoşulmasına görə qoşulma haqqının məbləği müəyyənləşib.

Bu, Nazirlər Kabinetinin “Məişət abonentlərinin mövcud və ya inşa ediləcək tikinti obyektlərinin enerji təchizatı şəbəkəsinə qoşulmasına görə qoşulma haqqının məbləği”nin təsdiq edilməsi barədə qərarında əksini tapıb.

Beləliklə, məişət abonentləri gücü 5 kVt-a qədər (5 kVt da daxil olmaqla) olan mövcud və ya inşa ediləcək tikinti  obyektlərinin 1 fazlı enerji təchizatı şəbəkəsinə 24 gün müddətində qoşulmaq üçün 160 manat  (ƏDV ilə) qoşulma haqı ödəyəcək. Bu məbləğ gücü 5 kVt-dan 10 kVt-dək (10 kVt da daxil olmaqla) olan enerji təchizatı şəbəkələri üçün 160 manat və əlavə olaraq 5 kVt-dan yuxarı hər bir kVt güc üçün 40 manat,  gücü 10 kVt-dan 15 kVt-dək (15 kVt da daxil olmaqla) olan enerji təchizatı şəbəkələri üçün 360 manat və əlavə olaraq 10 kVt-dan yuxarı hər bir kVt güc üçün 60,6 manat, gücü 15 kVt-dan 20 kVt-dək (20 kVt da daxil olmaqla) olan enerji təchizatı şəbəkələri üçün 663 manat və əlavə olaraq 15 kVt-dan yuxarı  hər bir kVt güc üçün 94,8  manat olacaq.

Eləcə də bax: Bu il istifadəyə verilən obyektlərin SİYAHISI açıqlanıb

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9383
  • ₽ RUB
    0.0251