SƏNAYE

Bu yabanı bitkinin kiloqramı 60-70 manata satılır
18 MAY
811

Bu yabanı bitkinin kiloqramı 60-70 manata satılır

2018-05-18 16:59:00

Kənd təsərrüfatının elə sahəsi var ki, heç bir xərc qoymadan torpaqdan məhsul əldə etmək mümkündür. Belə ki, kəndli biyan bitkisini heç bir qulluq göstərmədən yetişdirə və gəlir götürə bilər. Qarabağ bölgəsində, əsasən Ağcabədi, Bərdə, Beyləqan rayonlarında bu bitkiyə rast gəlinir.
Biyan bitkisinin kökünü yığaraq toplama məntəqəsinə təhvil verənlərdən biri də Ağcabədi sakini Suğra Quliyevadır. Torpaq sahibi deyir ki, keyfiyyətli biyan əsasən dəmyə becərilən torpaqlarda yetişir: "Əhali öz sahəsində yetişən biyanın kökünü yığıb toplama məntəqələrinə təhvil verir. Biz dədə-babadan bu işlə məşğuluq. Təhvil verilən məhsulun hər kq-a görə təqribən 60-70 manat pul ödənir. Kəndli üçün əlavə gəlirdi. Əziyyətli bir iş deyil. Yığıb rayondakı məntəqəyə təhvil veririk. Azərbaycanda təxminən 10 toplama məntəqəsi var. Bizə ən yaxını Ağcabədidəkidir" - deyə torpaq sahibi bildirir. Fermerin sözlərinə görə, hər hektardan təqribən 10-15 ton məhsul yığılır.

Eləcə də bax: Bizdə havayı, Avropada kiloqramı 2000 avroya olan MƏHSUL

Ağcabədidə fəaliyyət göstərən biyan toplama məntəqəsindən bildiriblər ki, əhalidən toplanan biyan kökündən əlavə müəssisəyə məxsus 300 hektar əkin sahəsi də var. Həmin sahələrdən də tədarük olunan məhsul müəssisədə qurudulub doğrandıqdan sonra kip şəklinə salınır. 200-220 kq kiplər isə əsasən Türkiyə, İran, Çin, İsrail kimi ölkələrə ixrac olunur.
Məntəqədə il ərzində 3000-4000 ton biyan kökü tədarük olunur. Müəssisədən onu da qeyd ediblər ki, biyan kökündən əldə olunan gəlir heç də digər kənd təsərrüfatı sahələrindən az deyil. Biyan heç bir qulluq göstərilmədən, yabanı şəkildə bitən və dövlət büdcəsinə gəlir gətirən bitkilərdəndir. Biyan kökündən xaricdə əsasən dərman preparatları və ətirlərin hazırlanmasında, eləcə də qida məhsullarında istifadə olunur. Sahibkarlar bildirir ki, hazırda bölgədə yerli istehsalın olmamasına əsas səbəb lazımı avadanlıqların baha olmasıdır. Amma gələcəkdə biyan kökündən müxtəlif məhsulların hazırlanması üçün müəssisələrin fəaliyyət göstərəcəyi də istisna deyil.

“Sputnik Azərbaycan”

Eləcə də bax: 50 qəpiyə satılan "min bir dərdin dərmanı"

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9254
  • ₽ RUB
    0.0255