SƏNAYE

Sağlam cücə böyütmək üçün 9 qayda
27 APREL
2348

Sağlam cücə böyütmək üçün 9 qayda

2018-04-27 10:41:00

Sağlam cücə, yalnız tam biloji yararlı yumurtalardan əldə edilir. Sağlam yumurta almaq üçün isə toyuqları yaxşı yemləmək lazımdır, lazımi ot, kök və digər vitamin, minerallarla təchiz edilməlidir. Burda toyuq cinsinin seçimi də önəmlidir. Bəzi cinslərin inkubasiya çıxışı yaxşı olur, bəzi cinslərin soyuğa dözümü yaxşıdır və sair.

OTURDUĞUN YERDƏN HƏDİYYƏ QAZAN!

Sağlam cücə yetişdirmək istəyən fermerlər 9 qaydaya əməl etməlidirlər:

Cücə alınacaq yumurtalar 2 həftədən çox sərin (soyuq yox) yerdə saxlanmamalıdır.

Cücə almaq üçün cavan toyuq yumurtaları yox, ən azı 1,6-2 illik toyuqların yumurtası götürülməlidir.

Kürd yatacaq toyuqlara 1 yaşdan kiçik xoruz buraxılmamalıdır.

Xüsusi yemləmə ilə çox yumurtalatdırılmış toyuqların yumurtalarını götürməyin.

İnkubasiya üçün yumurtalar yalnız sağlam toyuqlardan alınmalıdır.

Sürü alınacaq toyuqları darısqal yerdə saxlamayın.

Hini təmiz saxlayın.

Quşların daha çox hərəkət edə bilməsi üçün şərait yaradın.

Keyfiyyətli inkubator seçin.

Cücələr ilk ayda, xüsusən ilk 10 sutkada daha çox diqqət və himayə tələb edirlər. Ona görə kürd yatızdırmaq bu baxımdan rahatçılıqdır ki, anaş toyuq çox işi özü görəcək. Cücələrə yeməyi öyrədəcək, soyuqdan və düşmənlərdən qoruyacaq. Hətta ilk gündən gəzintiyə də çıxara bilir. İnkubator cücələrin isə gərək müəyyən tempraturda saxlayasınız.

Tempratur rejimi (yerdən 5 sm hündürlükdə):

İlk 5 gün

6-10 gün

11-15 gün

16-20 gün

21-25 gün

31-30°C

28°C

28-26°C

26-24°C

24-22°C

Bundan sonra tempraturu 20-18°C saxlayın.

Sağlam cücə üçün düzgün yemləmə:

Cücələri saxladığınız yerə buraxan kimi yemləməlisiniz. Gün ərzində yem və su əlçatan olmalıdır.

İlk sutkada cücə başına aşağıdakı yem qarışığı verilir:

6 qram xırdalanmış taxıl (buğda, qarğıdalı, arpa, qabıqsız vələmir)

2 qram yaxşı qaynanmış yumurta (25 cücəyə 1 yumurta)

1 qram təzə pendir

5 qram təzə süd

2 qram göyərti

5-6 günündən etibarən aşağıdakı yem qarışığı verilir:

10 qram buğda unu qarışığı

3 qram yumurta

2 qram təzə pendir

7 qram süd

7 qram göyərti

0,3 qram təbaşir tozu

0,1 qram balıq yağı

10-cü gündən sonra yumurta rasyondan çıxarılır. İlk 5 sutkada cücələri gündə ən azı 8 dəfə, daha sonra tədricən 3 dəfəyə azaldıb yemləyirlər. 

Mənbə: agroexpert.az

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9794
  • ₽ RUB
    0.0271