SƏNAYE

SOCAR Türkiyədə 3 milyard dollarlıq investisiya yatıracaq
28 MART
133

SOCAR Türkiyədə 3 milyard dollarlıq investisiya yatıracaq

2018-03-28 12:22:00

SOCAR Türkiyədə 3 il ərzində 3 milyard dollarlıq investisiya yatıracaq. Bu barədə “SOCAR Turkey Enerji A.Ş.”nin (STEAŞ) baş direktoru Zaur Qəhrəmanov deyib.

O bildirib ki, 2017-ci il SOCAR üçün uğurlu olub. “Petkim” ötən il həm istehsal, həm də gəlir baxımından rekorda imza atıb. 2017-ci ildə “Petkim”in mənfəəti 1,4 milyard türk lirəsinə çatıb. Trans-Anadolu qaz boru kəmərinin (TANAP) və “Star” zavodunun inşası isə davam edir. 2018-ci ildə onların tikintisi başa çatacaq və son 8 ildə davamlı investisiya qoyulan ən böyük layihələr istismara veriləcək.

Z.Qəhrəmanov qeyd edib ki, SOCAR-ın Türkiyədə planlaşdırdığı 19,5 milyard dollarlıq investisiyanın artıq 12,6 milyard dolları sərf olunub. Davam edən layihələr başa çatdıqda bu rəqəm 16,5 milyard dollara çatacaq. Qalan 3 milyard dollar isə 2018, 2019, 2020-ci illərdə yatırılacaq.

“Hazırda yeni layihələr üzərində işləyirik. Bu məsələdə dövlətin də dəstəyi var. 2019-cu ilin əvvəlində yeni investisiya qoyulacaq. 2022-ci ilin sonunda isə yeni bir neft-kimya kompleksinin inşasını başa çatdırmağı planlaşdırırıq”, - deyə Zaur Qəhrəmanov vurğulayıb.

Mənbə: Azərtac

© Materiallardan istifadə edərkən hiperlinklə istinad olunmalıdır
+11°C
  • $ USD
    1.7000
  • € EUR
    2.0771
  • ₽ RUB
    0.0276