SƏNAYE

ADAU «Agro Dairy» MMC ilə əməkdaşlıq edəcək
15 FEVRAL
94

ADAU «Agro Dairy» MMC ilə əməkdaşlıq edəcək

2018-02-15 12:51:00

Respublikamızda aqrar sahədə fəaliyyət göstərən aparıcı şirkətlərdən biri olan «Agro Dairy» MMC-nin nümayəndələri Azərbaycan Dövlət Aqrar Universitetinə (ADAU) işgüzar səfər ediblər. Fins.az xəbər verir ki, səfərin məqsədi müəssisə ilə universitet arasında əməkdaşlıq əlaqələrini daha da genişləndirmək olub. Qonaqları qəbul edən universitetin rektoru, AMEA-nın müxbir üzvü, professor İbrahim Cəfərov təhsil müəssisəsinin tarixi, mövcud vəziyyəti, aqrar təhsilə dövlət dəstəyi, maddi-texniki baza, aparıcı şirkətlərlə əməkdaşlıq əlaqələrinin  zəruriliyi və bu istiqamətdə görülmüş işlər barədə danışıb. Şirkətin sahə üzrə meneceri, doktor Aleksander zu Dreele səmimi qəbula görə rektora dərin təşəkkürünü bildirərək, son illərdə universitetin əldə etdiyi uğurları yüksək qiymətləndirmiş, əməkdaşlıq əlaqələrinin genişləndirilməsinə maraqlı olduğunu qeyd etmiş, həmçinin, son illərdə şirkətdə çalışan ADAU məzunlarının sayının artmasını da bildirmişdir.

Görüşdə aqronomluq və digər kənd təsərrüfatı ixtisasları üzrə təhsil alan tələbələrin istehsalat təcrübələrinin, praktiki dərslərin müəssisədə təşkili, mütəxəssislərin mübadiləsi, eksperimental tələbə qruplarının formalaşdırılması və onlara intensiv dərslərin keçirilməsi, tədris prosesinin birgə təşkili və monitorinqi, maddi-texniki bazadan istifadə məsələləri müzakirə olunub.  

Qeyd edək ki, «Agro Dairy» MMC və ADAU arasında  əməkdaşlığın əsası 2017-ci ildə qoyulmuşdur. İlkin mərhələdə,  ADAU-da təşkil olunmuş traktor və digər mexaniki nəqliyyat vasitələrinin idarə olunması üçün təşkil olunan sürücülük kurslarını müvəffəqiyyətlə başa vurmuş və sürücülük vəsiqəsi əldə etmiş tələbələrdən bir qrupu şirkətdə taxıl biçini prosesində yaxından iştirak edib. 

Eləcə də bax: Qazaxda bayram yarmarkası təşkil olunacaq

© Materiallardan istifadə edərkən hiperlinklə istinad olunmalıdır
+9°C
  • $ USD
    1.7001
  • € EUR
    2.1060
  • ₽ RUB
    0.0301