SƏNAYE

Azərbaycanda sənaye istehsalı azalıb
15 FEVRAL
67

Azərbaycanda sənaye istehsalı azalıb

2018-02-15 10:35:00

2018-ci ilin yanvar ayında 3,9 milyard manatlıq və ya əvvəlki ilin müvafiq ayı ilə müqayisədə 1,5 faiz çox sənaye məhsulu istehsal edilib. Fins.az xəbər verir ki, sənayenin qeyri-neft sektorunda məhsul istehsalı 8,7 faiz artıb, neft sektorunda isə eyni səviyyədə qalıb.

Sənaye məhsulunun 75,9 faizi mədənçıxarma sektorunda, 19,1 faizi emal sektorunda, 4,5 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,5 faizi isə su təchizatı, tullantıların təmizlənməsi və emalı sektorunda istehsal olunub.

Mədənçıxarma sektorunda neft hasilatı 0,2 faiz, əmtəəlik qaz hasilatı isə 5,9 faiz azalıb.

Emal sektorunda tütün məmulatlarının istehsalı 2,8 dəfə, toxuculuq sənayesi məhsullarının istehsalı 73,9 faiz, dəri və dəri məmulatlarının, ayaqqabıların istehsalı 3,2 dəfə, poliqrafiya məhsullarının istehsalı 3,3 faiz, əczaçılıq məhsullarının istehsalı 3,1 dəfə, tikinti materiallarının istehsalı 22,2 faiz, hazır metal məmulatlarının istehsalı 81,5 faiz, mebel istehsalı 8,0 faiz artmış, qida məhsullarının istehsalı 1,0 faiz, içkilərin istehsalı 24,8 faiz, geyim istehsalı 52,3 faiz, ağacın emalı və ağacdan məmulatların istehsalı 20,9 faiz, kağız və karton istehsalı 17,6 faiz, kimya sənayesi məhsullarının istehsalı 1,3 faiz, rezin və plastik kütlə məmulatlarının istehsalı 28,3 faiz, metallurgiya sənayesi məhsullarının istehsalı 3,8 faiz, kompüter və elektron məhsulların istehsalı 23,2 faiz, elektrik avadanlıqlarının istehsalı 22,3 faiz, maşın və avadanlıqların istehsalı 29,0 faiz, sair nəqliyyat vasitələrinin istehsalı 67,1 faiz, maşın və avadanlıqların quraşdırılması və təmiri işləri isə 6,0 faiz azalıb.

Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 0,2 faiz, su təchizatı, tullantıların təmizlənməsi və emalı sektorunda isə 5,2 faiz azalıb.

Eləcə də bax: Bu il 70 min ton pambıq istehsalı nəzərdə tutulub

© Materiallardan istifadə edərkən hiperlinklə istinad olunmalıdır
+6°C
  • $ USD
    1.7001
  • € EUR
    2.1060
  • ₽ RUB
    0.0301