SƏNAYE

Paytaxt sənayesinin 81%-i özəl sektorun əlində cəmləşib
27 DEKABR 2017
160

Paytaxt sənayesinin 81%-i özəl sektorun əlində cəmləşib

2017-12-27 16:18:00

2017-ci ilin yanvar-noyabr aylarında Bakı şəhərinin sənayesində istehsal olunmuş malların və göstərilmiş xidmətlərin həcmi 3,7% azalaraq 29,9 mlrd. manat təşkil edib.

Bakı şəhər Statistika İdarəsindən verilən məlumata görə, sənaye məhsulunun 81,5%-i mədənçıxarma, 16,2%-i emal, 1,6%-i elektrik enerjisi, qaz və buxar istehsalı, bölüşdürülməsi və təchizatı, 0,7%-i isə su təchizatı, tullantıların təmizlənməsi və emalı sektorlarında istehsal olunub.

Sənayedə qeyri-dövlət sektorunun payı 81,2% olub.

Ümumi istehsalın 86,5%-i sənaye məhsulunun istehsalı, 13,5%-i isə sənaye xarakterli xidmətlərin göstərilməsi hesabına yaradılıb.

İstehsal edilmiş məhsulun böyük hissəsi istehlakçılara göndərilib, əvvəlki dövrlərdə yaranmış ehtiyatlar da nəzərə alınmaqla  sənaye müəssisələrinin  anbarlarında  dekabrın 1-ə 181,9 mln. manatlıq hazır məhsul olub.

Sənaye müəssisələrinin anbarlarında başqa müəssisələrdən alınıb və satış üçün nəzərdə tutulmuş 15,9 mln. manat məbləğində digər məhsullar da mövcuddur.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9978
  • ₽ RUB
    0.0273