SƏNAYE

Nobel Oil Services təchizatçıları üçün təlimatlandrıcı sessiyalar keçirir
21 NOYABR 2017
199

Nobel Oil Services təchizatçıları üçün təlimatlandrıcı sessiyalar keçirir

2017-11-21 15:40:00

Nobel Oil Services şirkəti işgüzar tərəfdaşlarını komplayens və korporativ siyasətlərin tələblərinə uyğun davranışa təşviq edən səmərəli Etika və Komplayens proqramını həyata keçirir. Etika və Komplayens tələblərinin tətbiq edilməsi strategiyasının bir hissəsi olaraq Nobel Oil Services şirkəti işgüzar əməliyyatlarda şəffaflığın dəstəklənməsi məqsədi ilə şirkətlər qrupunun əsas təchizatçıları və tərəfdaşları üçün təlimatlandırıcı sessiyaların keçirilməsinə başlamışdır.

Şirkətin Baş Kommersiya Direktoru Eldar Məmmədzadə giriş nitqi ilə Etika və Komplayens bölməsinin əhəmiyyətini və şirkətin əsas dəyərləri (Dürüstlük, Keyfiyyət, Təhlükəsizlik, Vahid Komanda və Mükəmməllik) ruhunda strategiyasının qurulmasında rolunu xüsusi qeyd etmişdir. Bu dəyərləri rəhbər tutaraq Nobel Oil Services şirkəti üçüncü tərəf təchizatçıların və tərəfdaşların şəffaf və səmərəli seçilməsini təmin edir.

Şirkətin komplayens üzrə məsul əməkdaşı Nərminə Qardaşxanova təqdimatında Baş icraçı direktorun rəhbərlik etdiyi Komplayens komitəsinin strukturu və iş mexanizmi barəsində məlumat vermişdir. Komitə şirkətin korporativ siyasətlərinin və prosedurlarının Birləşmiş Krallığın, eləcə də Azərbaycanın qanunlarına və qaydalarına uyğunluğunu təmin edir. Birləşmiş Krallıqda qeydiyyatdan keçmiş Nobel Oil Services şirkəti rüşvətxorluq və korrupsiya ilə mübarizə üzrə siyasətini və Davranış Kodeksini tətbiq etmişdir. Şirkət hər hansı şikayətlər yaranarsa təchizatçı və tərəfdaşlar tərəfindən məlumatların verilməsinin təşviqi üçün “Narahatlığını Bölüş” yardım xəttini səmərəli şəkildə idarə edir. Nobel Oil Services şirkətinin Komplayens bölməsi tərəfindən bütün halların ədalətli və qərəzsiz baxılmasına zəmanət verilir.

İşgüzar münasibətlər qurulmazdan öncə təchizatçı uyğunluğunun yoxlanılması məcburi prosesə çevrilib. Bu kimi görüşlərin təchizatçılarla müntəzəm keçirilməsi nəzərdə tutulur ki, bu da prosesin şəffaf aparılması və ən yaxşı təchizatçıların seçilməsini təmin edir”, deyərək Nərminə Qardaşxanova bildirmişdir. “Şirkətin fəaliyyətinə və reputasiyasına mənfi təsir edə bilən istənilən halları aşkar etmək və aradan qaldırmaq üçün yardım xətti ilə daxil olan bütün məlumatları hərtərəfli araşdırırıq” deyə sözlərinə əlavə etmişdir.

Görüşün sonunda bir neçə praktiki misallar iştirakçılarla birlikdə müzakirə edilmişdir.

Nobel Oil Services (UK) Limited Böyük Britaniyada qeydiyyatdan keçmiş neft-qaz sahəsində ixtisaslaşmış çoxşaxəli şirkətlər qrupudur. Şirkətin korporativ idarəetmə sistemi Böyük Britaniyanın qanunvericiliyinə və İdarəetmə Məcəlləsinə uyğun təşkil edilib.

Nobel Oil Services şirkətinə daxil olan müəssisələr qazma, tikinti və layihələrin idarəedilməsi, eləcə də avadanlığa texniki xidmət, təchizat və layların neftverimliliyinin artırılması xidmətlərini göstərir.

 

© Materiallardan istifadə edərkən hiperlinklə istinad olunmalıdır
+6°C
  • $ USD
    1.7001
  • € EUR
    2.1108
  • ₽ RUB
    0.0301