SƏNAYE

Caspian European Club, Prezident İlham Əliyevə müraciət edib
12 OKTYABR
141

Caspian European Club, Prezident İlham Əliyevə müraciət edib

2017-10-12 14:36:00

Caspian European Club, özəl sektorda dövlət strukturlarının yoxlamalarının təxirə salınması müddətinin daha 2 il müddətinə uzadılma imkanının nəzərdən keçirilmə istəyi ilə Azərbaycan Respublikasının Prezidenti İlham Əliyevə müraciət etmişdir. Bunu, Caspian European Club-un İdarə heyətinin üzvü, Vergi və Gömrük komitəsinin rəhbəri Mustafa Abbasbəyli bildirmişdir.

Onun sözlərinə görə, məktubda deyilir ki, ölkə sahibkarlarının böyük əksəriyyəti 2 il əvvəl imzalanan təsərrüfat subyektlərində yoxlamaların dayandırılmasına dair fərmandan razıdır.

Mustafa Abbasbəyli həmçinin qeyd etmişdir ki, Caspian European Club-un Ekspert Şurası Klubun üzv şirkətləri ilə birlikdə beynəlxalq təcrübəni nəzərə alaraq Azərbaycanda sahibkarlığın inkişafı və dövlətin özəl sektora müdaxiləsinin azaldılması ilə bağlı müntəzəm təkliflər hazırlayır.

"Əvvəllər cənab İlham Əliyevə ildə iki dəfə təkliflər paketi göndərdik, lakin son zamanlar ölkəmizdə həyata keçirilən islahatlarla bağlı təkliflərin tezliyi artırılmışdır. Hesabatlar və təklif paketləri iqtisadiyyatın müxtəlif sahələrini əhatə edir və dövlət strukturlarının özəl sektora müdaxiləsinin real vəziyyətini əks etdirir ".

Mustaf Abbasbəylinin sözlərinə görə, klubun təkliflərində, bu gün həyata keçirilməsi lazım olan məqamları əks etdirilir ki, hal-hazırda yaşanan post neft dövründə sahibkarlıq dövlətə maksimum dəstək verə bilsin.

"Təkliflərimizin əksəriyyətinin qəbul olunduğuna görə ölkə başçısına minnətdarıq. Bu təkliflər sayəsində qısa müddətdə özəl sektor büdcəni doldurmaqda öz payını artıra bilər və yeni iş yerlərinin yaradılması, rəqabət qabiliyyətli məhsulların istehsalında yaxşı nəticələr göstərə bilər", - deyə Mustafa Abbasbəyli bildirmişdir.

Caspian European Club Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyilə 2002-ci ilin iyununda yaradılıb. Caspian European Club və Caspian American Club-un sədri Azərbaycan Respublikasının Prezidenti Zati-aliləri cənab İlham Əliyevdir.

Yarandığı ilk gündən Caspian European Club neft sahəsindən əldə olunan gəlirlərin qeyri-neft sektoruna cəlb olunmasına yardım edir. Sıralarında 5 mindən artıq şirkət və təşkilatı birləşdirən Caspian European Club dünyanın 50 ölkəsində fəaliyyət göstərir, dövlət qurumları ilə özəl sektor arasında dialoqun dəstəklənməsi istiqamətində fəal iş aparır.

© Materiallardan istifadə edərkən hiperlinklə istinad olunmalıdır
+13°C
  • $ USD
    1.7001
  • € EUR
    2.0087
  • ₽ RUB
    0.0296