SƏNAYE

Neft amilində İran və Səudiyyə qarşıdurması – QİYMƏTLƏR DÜŞƏ BİLƏR
27 SENTYABR
405

Neft amilində İran və Səudiyyə qarşıdurması – QİYMƏTLƏR DÜŞƏ BİLƏR

2016-09-27 17:36:00
Səudiyyə Ərəbistanı OPEC-in baş tutacaq qeyri-rəsmi görüşü öncəsi istehsal həcminin dondurulması ilə bağlı gözləntilərin azalmasına səbəb olub. Çərşənbə günü Əlcəzairdə danışan Səudiyyə Ərəbistanının enerji naziri Xalid al-Falih bildirib ki, toplantı müzakirə xarakteri daşıyır. OPEC-ə üzv dövlətlər çərşənbə günü Beynəlxalq Enerji Forumunda iştiraklarından əlavə olaraq qeyri-rəsmi formada aşağı neft qiymətlərinin yenidən artırılması imkanlarını müzakirə etmək üçün görüşəcəklər. Eyni zamanda, OPEC-ə üzv olmayan Rusiya ilə görüş də planlaşdırılır. Dünya enerji birjalarında 2014-ci ildən etibarən təklifin artması ilə neft qiymətləri yarı-yarı ucuzlaşıb. Qiymətlərin yenidən bahalaşdırılması məqsədilə isə Rusiya və Səudiyyə Ərəbistanı istehsal həcminin azaldılması ilə bağlı təklif irəli sürüblər.
"Reuters" agentliyinin verdiyi xəbərə görə, Səudiyyə Ərəbistanı İranın da istehsal səviyyəsini azaltması fonunda razılaşacaq. Lakin İran günlük istehsal həcmini 3.6 milyon bareldən 41-4.2 milyon barelə kimi artırmağı planlaşdırır.
Mənbə: Invest.az

 

 
© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275