SƏNAYE

Azərbaycan benzini haradan alacaq? – SİYAHI
18 AVQUST
804

Azərbaycan benzini haradan alacaq? – SİYAHI

2016-08-18 15:32:00

Azərbaycan Dövlət Neft Şirkəti (SOCAR) avqust ayı ərzində ölkəyə 45 min ton Ai-92 markalı avtomobil benzini idxal edəcək.

Fins.az xəbər verir ki,

15 min ton Yunanıstan,

10 min ton Rumıniya,

20 min ton isə Rusiyadan idxal olunacaq.

Xatırladaq ki, Heydər Əliyev adına Bakı Neft Emalı Zavodunda (NEZ) avqustun 1-dən cari təmir işlərinə başlanıb. Adətən 25-30 təqvim günü davam edən təmir prosesinin bu dəfə modernizasiya işləri ilə bağlı bir qədər uzun çəkə biləcəyi nəzərə alınaraq daxili bazardakı tələbatı ödəmək üçün SOCAR Nazirlər Kabinetinə idxal olunacaq Ai-92 markalı benzinin gömrük rüsumu və aksiz vergisindən azad edilməsinə dair müraciət edib.

Eləcə də bax: Azərbaycana günə 4 min ton benzin idxal olunacaq – SƏBƏBLƏR

Nazirlər Kabineti də "Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələrinin təsdiq edilməsi haqqında" 19 yanvar 2001-ci il tarixli və "Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında" 12 aprel 2001-ci il tarixli qərarına dəyişiklik edib. Aksiz vergisi ilə bağlı dəyişikliyə əsasən, aviasiya benzini istisna olmaqla, mühərrik benzininin hər 1 tonu üçün aksiz vergisi 200 manatdan 1 manata endirilib. Digər dəyişikliyə əsasən, 92 oktanlı benzin üçün gömrük rüsumu 15%-dən 0%-ə endirilib. Bu qərarlar avqustun 16-dan başlayaraq 60 gün müddətində qüvvədədir.

Mənbə: report

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272