SƏNAYE

"Petkim" rəhbərliyində daha bir təyinat
05 AVQUST
223

"Petkim" rəhbərliyində daha bir təyinat

2016-08-05 10:06:00

"Petkim Petrokimya Holding A.Ş."-də kadr və struktur dəyişikliyi olub. 

"APA-Economics" xəbər verir ki, holdinqdə baş direktorun layihə və investisiyalar üzrə müavini vəzifəsi yaradılıb. Bu vəzifəyə Bilal Quliyev təyin olunub. 

Xatırladaq ki, bundan öncə "Petkim Petrokimya Holding A.Ş."-nin baş direktoru Saadettin Korkut tutduğu vəzifədən istefa verib. Bunun ardınca S. Korkut hüquq-mühafizə orqanları tərəfindən saxlanılıb. 

S. Korkutu SOCAR-ın Yunanıstandakı törəməsinin ("SOCAR Greece") rəhbəri işləmiş Anar Məmmədov əvəzləyib. 

"APA-Economics"in əldə etdiyi məlumata görə, şirkətin bir neçə rəhbəri şəxsi, o cümlədən baş direktorun satınalmalar üzrə müavini Natiq Dəmirov işdən çıxarılıb. 

"SOCAR Türkiye" şirkətinin İdarə Heyətinin sədri Vaqif Əliyev isə bildirib ki, "Petkim Petrokimya Holding A.Ş."-nin müxtəlif departamentlərində çalışan 27 nəfər işdən azad olunub. V. Əliyev əlavə edib ki, "SOCAR Türkiye" isə müxtəlif departamentlərdə çalışan 4 işçinin müqaviləsinə xitam verərək onlarla yollarını ayırıb.

 

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272